انفارمیشن ٹیکنالوجی کے باعث ہماری آج کل کی دنیا بہت بدل گئی ہے۔ وہ چیزیں جو پہلے انسان اپنے ہاتھ سے سرانجام دیتا تھا کمپیوٹر آپریٹنگ سسٹم کی وجہ سے ماؤس کے صرف ایک کلک سے ہو جاتا ہے۔ انفارمیشن ٹیکنالوجی کی مدد سے نہ صرف کاروباری طریقۂ کار سہل ہوگیا ہے بلکہ ایک ایک منٹ کی معلومات حاصل ہونے کے باعث انسان پل پل کی ایجاد سے آگاہ رہتا ہے۔ آج کل کی جدید ضروریات کو محسوس کرتے ہوئے وفاقی شرعی عدالت نے بھی اپنے وہ تمام افعال کمپیوٹرائزڈ کئے ہیں جو 2008ء سے قبل ہاتھ کے ذریعے کئے جاتے تھے۔ اس جانب پہلا قدم اٹھاتے ہوئے پہلے سال میں کمپیوٹرز حاصل کئے گئے اور لوکل ایریا نیٹ ورک( LAN) بچھایا گیا۔ اور وفاقی شرعی عدالت کے کچھ افعال بشمول کیس فلو مینجمنٹ سسٹم( CFMS) اور (HRMS)کی طرف پیش رفت ہوئی۔ اس جانب پیش رفت کے نمایاں خدوخال درج ذیل ہیں:-

  * دسمبر ۲۰۱۸ء میں دو زبانوں میں آفیشل ویب سائٹ آن لا ئن کی گئی۔

  * نومبر ۲۰۱۷ء میں دو زبانوں میں ویب سائٹ کا کام ایک نئے سانچے میں شروع کیا گیا۔

     *  ۲۰۰۷ء میں وفاقی شرعی عدالت کی آ فیشل ویب سائٹ بنائی گئی ۔

  * دستاویزی (ریکارڈ میں موجود) کاز لسٹیں بھی دفتری ویب سائٹ پر دستیاب ہیں۔

* فوجداری اور شریعت کیسوں کی ماہانہ کارکردگی رپورٹ نیشنل جوڈیشل آٹومیشن کمیٹی (NJAC) کے لئے شریعت کورٹ کی ویب سائٹ پر لنک بھی دستیاب ہے۔

* دفتری ای میل ایڈریس اور ہیومن رائٹس سیل کے لئے پرفارما بھی ویب سائٹ پر دستیاب ہے۔

* وفاقی شرعی عدالت میں دائر کیس کی موجودہ حیثیت کے بارے میں آگاہی کی سہولت بھی ویب سائٹ پر موجود ہے جبکہ وفاقی شرعی عدالت کے ججز صاحبان کے فیصلہ شدہ کیسوں کی سپریم کورٹ آف پاکستان میں موجودہ پوزیشن کی تفصیلات کے لئے ویب سروس بھی کامیابی کے ساتھ بنائی گئی ہے۔

فیڈرل شریعت کورٹ کی ویب سائٹ سے درج ذیل معلومات بھی ڈائون لوڈ کی جاسکتی ہیں:-

* وفاقی شرعی عدالت کے قیام کی مفصل تاریخ

* .آئینِ پاکستان کا باب ۳ الف (یہ باب وفاقی شرعی عدالت کے قیام سے متعلق آرٹیکلز پر مشتمل ہے)

* معزز جج صاحبان کی تقرری، اہلیت اور اختیارات سے متعلق معلومات

* عدالت کے عملی قواعد

* موجودہ اور سابقہ جج صاحبان کے کوائف

* موجودہ اور سابقہ چیف جسٹس صاحبان کے کوائف

* عدالت ہذا کے نمایاں فیصلے (شریعت پٹیشنز اور ازخود نوٹسز)

* ۱۹۸۰ سے لیکر اب تک کے ضابطۂ فوجداری کے رپورٹ شدہ فیصلوں کا مختصر متن

* ٹینڈرز

* نوٹیفکیشنز

* فوٹو گیلری

* کیسز کی موجودہ کیفیت

* وفاقی شرعی عدالت کی تمام بنچ رجسٹریوں سے ہیڈ آفس اسلام آباد کے رابطے کے لئے بغیر کسی اضافی خرچ کے آئی ٹی برانچ نے موجودہ آئی ٹی نظام میں رہتے ہوئے ویڈیو کانفرنسنگ کا اہتمام کیا ہے۔

* تحقیقی مقاصد کے لئے عدالت ہذا میں درج ذیل سافٹ ویئرز کا استعمال کیا جا رہا ہے:-

– شاملہ  لا بئریری

– ایزی قرآن و حدیث

-قرآن معجم

2016میں نئے کمپیوٹرائزڈسروس کارڈ اور گیٹ پاس پی وی سی کاغذ پر متعارف کروائے گئے۔ یہ نادرا کے کمپیوٹرائزڈ شناختی کارڈ کے جیسے دیرپا کارڈ ہیں۔

اگست 2012میں وفاقی شرعی عدالت میں بائیو میٹرک حاضری کا نظام لگایا گیا یہ انگلی کے نشان کے ذریعے عملے کے آنے اور جانےکا حساب رکھتا ہے۔ ہر دن اسکی رپورٹ نکالی جاتی ہے جو کہ مذید کاروائی کے لئے رجسٹرارصاحب کو بھجوائی جاتی ہے۔

ایس ایم ایس الرٹ سسٹم نے تجرباتی بنیادوں پر کام شروع کر دیا ہے۔